فرصة عمل في أمازون مصر بدون خبرة سابقة مع التدريب والتأمين والمواصلات
لو بتدور على فرصة شغل في شركة عالمية ومش عندك خبرة سابقة في مجال خدمة العملاء فوظيفة مساعد خدمة العملاء Customer Service Associate في أمازون مصر ممكن تكون فرصة مناسبة ليك.
الوظيفة بتعتمد بشكل أساسي على التواصل مع العملاء ومساعدتهم في حل المشكلات والرد على استفساراتهم سواء عن طريق الهاتف أوالمحادثات أو البريد الإلكتروني مع توفير تجربة خدمة عملاء مميزة.
ومن أهم المميزات إن الخبرة السابقة في خدمة العملاء مش شرط أساسي لأن أمازون بتوفر التدريب اللازم للموظفين قبل بدء العمل.
نبذة عن وظيفة خدمة العملاء في أمازون مصر
فريق خدمة العملاء في أمازون يعتبر من أهم الفرق داخل الشركة لأن الموظف هو حلقة الوصل المباشرة بين أمازون والعملاء.
والهدف مش مجرد الرد على العميل وخلاص ولكن فهم المشكلة ومحاولة الوصول للحل المناسب في أسرع وقت مع الحفاظ على أسلوب محترم واحترافي في التعامل وهتتعامل مع استفسارات مختلفة بداية من مشاكل الطلبات والمنتجات ولحد الدفع واستخدام الموقع والخدمات المختلفة.
ما هي مهامك كمساعد خدمة عملاء في أمازون؟
بصفتك Customer Service Associate هتكون من أوائل الأشخاص اللي العميل بيتواصل معاهم عند وجود مشكلة أو استفسار.
ومن أهم المهام:
- الرد على استفسارات العملاء ومساعدتهم في حل المشكلات.
- التواصل مع العملاء باللغة العربية أو الإنجليزية.
- التعامل مع العملاء من خلال الهاتف والدردشة والبريد الإلكتروني.
- متابعة مشاكل الطلبات والشحن والمنتجات.
- الرد على الاستفسارات المتعلقة بالدفع.
- مساعدة العملاء في استخدام الموقع والخدمات المختلفة.
- البحث عن المعلومات والحلول المناسبة باستخدام الأدوات المتاحة.
- التعامل مع أكثر من نوع من الاستفسارات خلال يوم العمل.
- تقديم تجربة خدمة عملاء جيدة في كل تواصل مع العميل.
- الحفاظ على أسلوب مهني وودود أثناء التعامل مع العملاء.
والوظيفة مش مبنية على إنك تحفظ ردود معينة أو تقرأ نص ثابت للعميل ولكن هتحصل على التدريب اللازم علشان تقدر تفهم المشكلة وتوصل للحل المناسب.
ساعات العمل في وظيفة خدمة عملاء أمازون
طبيعة العمل بتحتاج مرونة في مواعيد الشغل لأن خدمة العملاء بتخدم العملاء خلال فترات مختلفة من اليوم.
نظام العمل بيكون من خلال ورديات متغيرة تشمل:
- الورديات الصباحية.
- الورديات المسائية.
- الورديات الليلية.
- العمل خلال عطلات نهاية الأسبوع.
- إمكانية العمل في العطلات الرسمية حسب احتياجات العمل.
الوردية بتكون حوالي 9 ساعات مع حد أدنى 40 ساعة عمل أسبوعيا ويتم إبلاغ الموظف بتفاصيل جدول العمل ومواعيد الورديات قبل بداية العمل.
اقرأ أيضا: وظيفة أخصائي عمليات المرافق في مجموعة طلعت مصطفى.
شروط التقديم في وظيفة خدمة عملاء أمازون مصر
للتقديم على الوظيفة لازم تتوافر في المتقدم مجموعة من الشروط، أهمها:
- ألا يقل العمر عن 18 سنة.
- أن يكون لديك الحق في العمل داخل مصر.
- الحصول على شهادة الثانوية العامة كحد أدنى.
- إجادة اللغة العربية والإنجليزية تحدثًا وكتابة.
- امتلاك مهارات تواصل جيدة.
- القدرة على استخدام الكمبيوتر.
- القدرة على العمل بنظام الورديات المتغيرة.
- الاستعداد للعمل من الاثنين إلى الأحد حسب جدول الورديات.
- القدرة على العمل في الورديات الصباحية والمسائية والليلية.
- الاستعداد للعمل في عطلات نهاية الأسبوع والعطلات الرسمية حسب الحاجة.
المهارات المطلوبة لوظيفة خدمة عملاء في شركة أمازون مصر
بالإضافة للشروط الأساسية فيه مجموعة من المهارات الشخصية اللي بتساعدك على النجاح في الوظيفة ومنها:
- الجدية والالتزام في العمل.
- اللباقة وحسن التعامل مع العملاء.
- الاهتمام بالتفاصيل.
- القدرة على الاستماع وفهم مشكلة العميل.
- التركيز على تقديم أفضل خدمة ممكنة.
- سرعة التعلم واكتساب مهارات جديدة.
- القدرة على التكيف مع التغييرات.
- التعامل مع أكثر من مهمة في نفس الوقت.
- القدرة على العمل في بيئة سريعة ومتغيرة.
- مهارات تواصل قوية بالعربي والإنجليزي.
هل يشترط وجود خبرة سابقة وظيفة خدمة عملاء أمازون مصر؟
من المميزات المهمة في الوظيفة إن الخبرة السابقة في مجال خدمة العملاء ليست شرطا أساسيا يعني لو لسه في بداية حياتك المهنية ومش اشتغلت قبل كده في Call Center أو Customer Service تقدر تتقدم طالما مستوفي باقي الشروط المطلوبة أمازون بتوفر التدريب اللازم لمساعدتك على فهم طبيعة العمل والأدوات المستخدمة وطريقة التعامل مع العملاء والمشكلات المختلفة.
مميزات العمل في خدمة عملاء أمازون مصر
الانضمام لفريق خدمة العملاء في أمازون بيقدم مجموعة من المزايا ومن أبرزها:
- التدريب بتحصل على التدريب اللازم قبل بداية العمل وده بيساعدك تفهم طبيعة الوظيفة والأدوات المستخدمة في التعامل مع العملاء.
- التأمين الاجتماعي توفر الوظيفة التأمين الاجتماعي ضمن المزايا المقدمة للموظفين.
- التأمين الطبي من ضمن المزايا كمان التأمين الطبي وفقا لنظام الشركة.
- المواصلات توفر أمازون خدمات نقل للموظفين وخصوصا خلال ساعات العمل الليلية.
ويتم توفير خدمة نقل ليلي في اتجاه واحد خلال الفترة من 7 مساء وحتى 7 صباحا مع نقاط تجمع للرجال وخدمة توصيل من الباب إلى الباب للنساء وفقا للتفاصيل المحددة من الشركة وكما تتوفر حافلات نقل مكوكية خلال اليوم بدءًا من الساعة 7 صباحا وفقا لنقاط الإنزال ومسارات النقل المتاحة.
مين المناسب لوظيفة خدمة عملاء في شركة أمازون مصر؟
الوظيفة ممكن تكون مناسبة ليك لو:
- لسه متخرج أو في بداية حياتك المهنية.
- بتدور على شغل في شركة عالمية.
- مستواك كويس في اللغة الإنجليزية.
- عندك مهارات تواصل جيدة.
- بتعرف تستخدم الكمبيوتر.
- عندك قدرة على التعامل مع العملاء.
- تقدر تلتزم بنظام الورديات.
- مش عندك مشكلة في العمل خلال المساء أو الليل حسب جدول الشغل.
طريقة التقديم في وظيفة خدمة عملاء أمازون مصر
يتم التقديم على وظيفة Customer Service Associate في أمازون مصر من خلال رابط التقديم المخصص للوظيفة بعد إرسال طلب التقديم يتم مراجعة بيانات المتقدمين وفي حالة توافق المؤهلات والشروط مع متطلبات الوظيفة يتم التواصل مع المرشحين لاستكمال باقي خطوات التوظيف ومعرفة تفاصيل المقابلة والإجراءات التالية.
للتقديم في الوظيفة: اضغط هنا.
