لو بتدور لطفلك على طريقة ممتعة يتعلم بيها البرمجة فالدورة دي ممكن تكون بداية كويسة جدا منصة تعليمي التابعة لمؤسسة فودافون مصر لتنمية المجتمع بتوفر دورة مجانية لتعليم الأطفال أساسيات البرمجة بطريقة بسيطة ومناسبة لسنهم من خلال الرسوم المتحركة والتعلم التفاعلي.
الهدف من الدورة مش إن الطفل يحفظ أكواد أو يتعامل مع البرمجة بشكل معقد ولكن إنه يبدأ يفهم طريقة التفكير المنطقي ويتعلم إزاي يحول أفكاره إلى مشاريع ورسوم متحركة وتطبيقات بسيطة بطريقة ممتعة.
نبذة عن مؤسسة فودافون مصر لتنمية المجتمع
مؤسسة فودافون مصر لتنمية المجتمع هي مؤسسة مانحة وغير هادفة للربح وتم تأسيسها سنة 2003 لتكون الذراع المجتمعي والمسؤول عن أنشطة المسؤولية المجتمعية لشركة فودافون مصر وبتعمل تحت إشراف وزارة التضامن الاجتماعي.
وتعتبر المؤسسة من المؤسسات التنموية التابعة لقطاع الاتصالات في مصر وتركز بشكل كبير على استخدام التكنولوجيا والحلول الرقمية في دعم المجتمع المصري والمساهمة في تحقيق التنمية المستدامة.
ومن خلال المبادرات والمشروعات المختلفة بتسعى المؤسسة لدعم التعليم وتمكين الشباب وتوفير فرص تساعد على تطوير المهارات والاستفادة من التكنولوجيا بشكل أفضل.
نبذة عن منصة تعليمي
منصة تعليمي - Ta3limy هي منصة تعليمية رقمية مجانية أطلقتها مؤسسة فودافون مصر لتنمية المجتمع بهدف دعم وتطوير التعليم الرقمي في مصر.
المنصة بتقدم محتوى تعليمي وتدريبي لمجموعة كبيرة من الفئات ومنها الطلاب والمعلمين وأولياء الأمور والشباب وبتعتمد على تقديم المحتوى بشكل بسيط وتفاعلي يساعد المستخدم على التعلم وتطوير مهاراته.
ومن بين المجالات اللي بتقدمها المنصة مجال البرمجة وده بقى من أهم المجالات اللي بيحتاج الأطفال والشباب يتعرفوا عليها من سن صغير.
وصف دورة تعليم البرمجة للأطفال عن طريق الرسوم المتحركة
البرمجة دلوقتي بقت من أهم مهارات المستقبل، ومش مقتصرة على مهندسي الكمبيوتر أو الكبار بس زي زمان مع التطور الكبير في التكنولوجيا والذكاء الاصطناعي بقى مهم إن الأطفال يبدأوا يفهموا التكنولوجيا بشكل أعمق.
بدل ما يكون الطفل مجرد مستخدم للموبايل أو الكمبيوتر والألعاب تعلم البرمجة ممكن يساعده يفهم إزاي التطبيقات والألعاب والبرامج دي بتشتغل ومع الوقت يبدأ هو كمان يبتكر ويعمل أفكار خاصة بيه.
وطبعًا تعليم البرمجة للأطفال مش معناه إن الطفل هيقعد قدام شاشة ويكتب أكواد صعبة ومعقدة التعلم في البداية بيكون بطريقة أبسط وأقرب لاهتمامات الأطفال من خلال التفاعل والرسوم المتحركة وتنفيذ الأفكار بشكل ممتع.
الدورة بتساعد الطفل على تطوير مجموعة من المهارات المهمة زي:
- التفكير المنطقي.
- حل المشكلات.
- التفكير الإبداعي.
- ترتيب الأفكار والخطوات.
- تحويل الأفكار إلى مشاريع بسيطة.
- فهم أساسيات البرمجة بطريقة سهلة وممتعة.
كمان استخدام الرسوم المتحركة في التعلم بيخلي التجربة أقرب للطفل وبيساعده على فهم الفكرة بشكل عملي بدل الاعتماد على الشرح النظري فقط.
ولو بتفكر تبدأ مع طفلك في مجال البرمجة فالدورة دي ممكن تكون خطوة مناسبة كبداية، خصوصا إنها مجانية وبتقدم المحتوى بطريقة مبسطة.
تفاصيل دورة مجانية لتعليم البرمجة للأطفال
- المنصة المقدمة للدورة: منصة تعليمي
- الجهة: مؤسسة فودافون مصر لتنمية المجتمع
- التكلفة: مجانا
- الفئة العمرية: غير محددة
- التخصص: البرمجة
- طريقة التعلم: تعلم البرمجة للأطفال من خلال الرسوم المتحركة والمحتوى التفاعلي
- الشهادة: شهادة بعد الانتهاء من الكورس
ليه تعليم البرمجة مهم للأطفال؟
تعلم البرمجة من سن صغير مش هدفه إن كل طفل لازم يبقى مبرمج في المستقبل ولكن الهدف الأساسي هو تطوير طريقة التفكير.
البرمجة بتعلم الطفل إن أي مشكلة ممكن تتقسم لخطوات أصغر وإنه لازم يفكر في ترتيب الخطوات علشان يوصل للنتيجة المطلوبة ولو حصل خطأ بيتعلم يدور على سبب المشكلة ويحاول يصلحها.
المهارات دي مش مفيدة في البرمجة بس لكنها ممكن تساعد الطفل في الدراسة وفي طريقة التعامل مع المشكلات المختلفة بشكل عام.
ومع استمرار الطفل في التعلم ممكن يبدأ ينتقل لمستويات أعلى ويعمل ألعاب بسيطة أو رسوم متحركة أو مشاريع تفاعلية حسب المستوى اللي وصله.
طريقة التقديم في دورة تعليم البرمجة للأطفال
للتقديم والاستفادة من الدورة كل اللي عليك إنك تدخل على منصة تعليمي المقدمة من مؤسسة فودافون مصر لتنمية المجتمع وبعدها تعمل حساب على المنصة.
بعد الانتهاء من التسجيل تقدر تدخل على الدورة وتبدأ التعلم والاستفادة من المحتوى المتاح.
للدخول على الكورس: اضغط هنا.
ولمتابعة المزيد من الفرص والمنح والكورسات التعليمية: انضم هنا.
